अर्मलाको आपत 'जग्गा दलाल' र 'ढुंगागिट्टी दलाल'ले ल्याएका हुन्
पोखरा उपत्यकाको उत्तरी गाविस अर्मला–१ ठूलीबेसी फाँटमा जमिन भासिएर खाल्डा पर्न थालेको एक महिना नाघिसकेको छ। यसबीचमा साना ठूला ९१ वटा खाल्डा परिसकेका छन्। अर्मलावासी मात्र पुरै पोखारबासी अत्तालिएका छन्।'२४ फिट गोलाई र १३ फिट गहिरोदेखि सानातिना भकारी जत्रा खाल्डा परेका छन्,' अर्मलाको आपतबारे अनुसन्धान गरेर राजधानी फर्केका एक सरकारी विज्ञले सेतोपाटीलाई भने, 'हामी यथाशिघ्र औपचारिक रिपोर्ट बाहिर ल्याउँछौं।'अर्मलाको आपतबारे धेरै चर्चा भएपछि सरकारले पठाएको विज्ञ टोली तीन दिन स्थलगत अध्ययन गरेर बिहिबार राजधानी फर्किएको थियो। उनीहरुले खेतखेतै बग्ने पानीले कमेरो माटो निरन्तर बगाइरहेकाले भ्वाङ् परेको पत्ता लगाएका छन्।अर्मला पुगेर मुख्य सचिव लीलामणि पौडेलले प्राविधिक टोलीसँग छलफल गरेका थिए। 'अरु माटोसँग नटाँसिने खालको त्यो माटो बगेर गएपछि जमिन मुनि धोद्रो हुने र जमिन भासिने प्रकृया चलिरहेको छ,' मुख्य सचिव पौडेलले भने, 'खेतका गह्राबाट छिरेको त्यस्तो पानीबाट ठाउँठाउँमा मूलफुटेजस्तो भएको छ।'त्यस्तो मुलबाट १२ लिटर प्रतिसेकेण्डदेखि ८ लिटर प्रतिसेकेण्डसम्म पानी बगेको देखिन्छ,' पौडेलले भने, 'प्राविधिकहरुले थिग्राएर हेर्दा त्यो पानीमा एक चौथाई कमेरो माटो फेला परे।'यसरि फाँटफाँटै कुद्ने पानीले खेतका गह्रामा भित्रभित्रै दुलो पार्दै कमेरो माटो सहित बगाइरहेकाले भ्वाङ् पर्ने क्रम जारी नै छ। 'संयोगले त्यस्ता खाल्डा बस्तीभन्दा खेतबारीमा धेरै रहेछ,' पौडेलले भने, 'एउटा घरभित्रै र अरु ३/४ वटामा भने जग नजिकै जमिन भासिएको छ।'प्रकोप अध्ययनको लागि मंसिर २४ गते गृह मन्त्रालये सात सदस्यीय विशेषज्ञ समिति गठन गरेको थियो। भूमिगत जल सिँचाई आयोजना प्रमुख रमेश गौतमको संयोजकत्वमा गठन भएको समितिमा सिँचाई विभागका राजेन्द्र भण्डारी, बसन्त पौडेल, खानी तथा भुगर्भ विभागका लिलानाथ रिमाल, जल उत्पन्न प्रकोप नियन्त्रण बिभागका श्रीकमल द्विवेदी सदस्य छन्। समितिको सदस्य सचिवमा कास्की एलडिओ ईश्वरराज पौडेल छन्।समितीका अर्का सदस्यका अनुसार त्यसरि कमेरो बग्ने अवस्था सिर्जना हुनुमा भने प्राकृत्तिक विपत्ति मात्र कारण हैन।
.png)
