७ पुष, काठमाडौ । आफ्नै सहकर्मीलाई यौन दुव्र्यवहार गरेको आरोपमा भारतको एक नीजि टेलिभिजन च्यानलका सम्पादकलाई प्रहरीले पक्राउ गरेको समाचारमा जनाइएको छ ।ती सम्पादकलाई उनकै निवासबाट पक्राउ गरिएको भारतीय सञ्चारमाध्यमहरूले जनाएका छन् । यद्यपी ती सम्पादकको नाम र टेलिभिजन च्यानलको नाम भने खुलाइएको छैन ।सोही टेलिभिजनमा काम गर्ने एक महिलाले दायर गरेको मुद्दाको आधारमा उनलाई उनकै निवासबाट आज बिहान १ बजे पक्राउ गरिएको प्रहरीलाई उद्धृत गर्दै भारतीय सञ्चारमाध्यमहरुले जनाएका छन् । ती महिलाले भने सो च्यानल छाडिसकेकी छिन् ।टेलिभिजन च्यानलले एक विज्ञप्ती निकाल्दै सम्पादकमाथि झुटो आरोप लगाइएको जनाएको छ । कार्यालय छाडेर गइसकेपछि लगाइएको आरोपमा कुनै सत्यता नभएको विज्ञप्तीमा उल्लेख छ ।यसअघि पनि भारतीय ‘तहल्का’का सम्पादन अरूण तेजपाललाई सहकर्मी माथि यौन दुव्र्यवहार गरेको आरोपमा पक्राउ गरिएको थियो ।
.png)
