चितवन, पौष २३ । गोरखा फुजेलका कृष्णप्रसाद अधिकारी हत्या प्रकरणको छानबिन गरिरहेको चितवन प्रहरीले अधिकारीमाथि गोली प्रहार गर्नेहरुको पहिचान भएको बताएको छ । चितवन जिल्ला प्रहरी कार्यालयका उपरीक्षक प्रद्युम्न कार्कीले अधिकारीको अपहरणदेखि गोली प्रहार गर्नेको पहिचान भएको जानकारी दिएका हुन् ।अधिकारीमाथि गोली हान्ने दुई जनाको पहिचान भएको र एक जनाको पहिचान हुन बाँकी रहेको उनले बताए । तर, उपरीक्षक कार्कीले उनीहरुको नाम सार्वजनिक गर्न भने अस्वीकार गरे ।एसपी कार्कीले पहिचान भएका व्यक्तिहरु मृतकका दाजु नूरप्रसादले दिएको किटानी उजुरी भन्दा बाहिरका ब्यक्तिहरु भएको बताए । नूरप्रसादको उजुरीकै आधारमा प्रहरीले गोरखा फुजेलका रामप्रसाद अधिकारीलाई केही महिनाअघि पक्राउ गरेर छाडेको थियो भने पर्शुराम पौडेल अहिले पनि प्रहरी हिरासतमै रहेका छन् । २०६१ साल जेष्ठ २४ गते चितवनको रत्ननगरमा माओवादी कार्यकर्ताले गोली हानेर कृष्णप्रसादको हत्या गरेका थिए
.png)
