निर्माता छविराज ओझाले केही दिन अघि मिडियामा नायिका ‘रेखा थापाले बच्चा जन्माउन नमानेको’ भनी दिएको अन्र्तवार्ता अहिले चर्चामा छ । छविले आफ्नो घर भित्रका कुरा मिडियामा पोख्दै रेखा थापासँग टाढा हुनुका कारण खुलाएका छन् । उसो त रेखा र छविको बिषयमा सधै जसो गसिप बजारमा केही न केही समाचार आइरहेको नै हुन्छ । छविको यस्तो भनाइलाई रेखाले ‘फाल्तु गफ’ भनेकी छिन् ।छवि ओझा भन्छन्- रेखाले बच्चा पाउन मान्दै मानिनन्बच्चा जन्माउन नमानेको बिषयमा अनलाइनखबरले सोधेको प्रश्नमा रेखाले यसलाई ‘ननसेन्स’ कुरा मात्र भनेकी छिन् । रेखाले भनिन्, ‘यस्ता कुरा बाहिर आउने नै भए डिभोर्स लगतै आउने थियो । यो राम्रो र असल पुरुषले बोल्ने कुरा नै होइन । जती वुद्धी छ उनको त्यती नै बोले, मलाई केही भन्नु छैन ।’
रेखाले भनिन्, ‘आफूलाई असल लोग्ने बन्न सकिन पनि भन्ने, अनि फेरि रेखाले गर्दा यस्तो र उस्तो भयो भन्नु आफैमा तुक नभएको कुरा हो, आज मलाई छविसँग एक दशक कसरी बिताएछु र कस्तो मान्छेको संगतमा रहेछु भन्ने वोध हुन्छ ।’छविसँग बिताएका दिनहरुलाई रेखाले ‘कालो दिन’ भनेकी छिन् । आउँदा दिनमा छविसँग व्यक्तीगत र पेशागत सम्बन्ध दुबै गाँस्न नचाहने भन्दै रेखाले उनका कुनै पनि सिनेमा नगर्ने खुलाएकी छिन् । रेखाले भनिन्, ‘मलाई ‘सुन्तली हबल्दार’ भन्ने सिनेमाका लागि अफर आएको थियो, तर मैले गर्न मानिन । अब म छविका कुनै पनि सिनेमा गर्दिन ।’‘छवि ओझालाई मैले चाहेको भए सडकमा ल्याउन सक्थे, मसँग बिहे गर्दा उ नमस्ते नेपाल भन्ने अफिसको भाडामा बस्थ्यो । मैले नै महलमा पुर्याइदिए । मैले सम्बन्ध बिच्छेद हुँदा आधा सम्पत्ती मागेको भए उ सडकमा आउथ्यो । एउटा राम्रो मानिसले बोलेको कुरा भएको भए मैले उत्तर दिन आवश्यक ठान्थे, तर उसमा त्यस्तो कुनै गुण नै छैन, यसैले उसका भनाइप्रति जवाफ फर्काएर बस्न चाहन्न’, रेखाले भनिन् ।चलचित्र ‘हिम्मतवाली’को सम्पादनमा व्यस्त निर्माता, नायिका तथा निर्देशक रेखा थापाले घरभित्र पकाएको तरकारीको कुरा गर्ने मान्छेको वुद्धी कतिसम्म छ भन्ने सबैलाई थाहा भएको तर्क गरिन् ।
.png)
