२ माघ, रौतहट । भुस्यहा कुकुरको समहूले टोक्दा रौतहटमा एक बालकको ज्यान गएको छ । कुकुरले टोकेर खेसरहिया–७ का सिकेन्द्र यादवका ५ वर्षीय छोरा अर्जुनराय यादवको ज्यान गएको हो । विहान ११ शौच गर्न खुल्ला स्थानमा गएका बालकलाई कुकुरको समूहले टोकेर मारेको मृतकका परिवारले बताएका छन् ।हजुरआमासँग घरमै रहेका यादव शौचका लागि बाहिर गएको केहीबेरमा रोएको सुनेपछि हजुरआमा सरवतिया देवीले हेर्दा खेतमा कुकुरहरुले नातिलाई टोक्दै गरेको गरेको देखेकी थिइन ।हजुरआमाले टोक्दै गरेका कुकुर खेद्न जाँदा बालक यादवको ज्यान गइसकेको थियो । कुकरको समूहले बच्चालाई टोकेर मारेपछि गाँउले आतंकित बनेका छन् । घटनालगतै इलाका प्रहरी कार्यालय शिवदेव चौकको प्रहरी टोली सो स्थानमा पुगेको छ ।घरका एकमात्र सन्तानको मृत्युपछि यादव परिवार शोकाकुल बनेको छ ।कुकुरको टोकाईबाट बालकको शरीरभरी चोटैचोट रहेको प्रहरीले जनाएको छ । लाशलाई पोष्टमार्टमका लागि जिल्ला अस्पताल लगिएको प्रहरीले जनाएको छ ।
.png)
