बलिउड सिनेमाको आक्रामक प्रभुत्व सहँदै आएका नेपाली सिने मेकरहरुका लागि अर्को नयाँ चुनौती थपिएको छ । पुस २६ गते प्रदर्शनमा आउन लागेका चर्चित नेपाली सिनेमालाई ‘टाइटानिक’ हिरो लियोनार्दो डिक्याप्रियोको स्टारडमले चुनौती दिन लागेको हो ।उनको बहुप्रतिक्षित चलचित्र ‘द उल्फ अफ वाल स्ट्रिट ‘ शुक्रबारबाट नेपालमा लाग्नेछ । मल्टिप्लेक्स केन्दि्रत भनिएका ‘बितेका पल’ र ‘छ एकान छ’ लाई यो सिनेमाले ठाडो हवाला दिने बताइन्छ । ओडिसी इन्टरटेन्मेन्टले यो सिनेमाको नेपाल राइट भारतस्थित वितरक प्यारामाउन्ट पिक्चर्सबाट लिएको हो ।लियोनार्दो नेपालमा सबैभन्दा सफल मानिएका हलिउड स्टार हुन् । उनको चलचित्र ‘टाइटानिक’ले नेपालमा निक्कै राम्रो व्यापार गरेको थियो । जसका कारण पनि काठमाण्डौका मल्टिप्लेक्समा नेपाली सिनेमालाई ठाडो चुनौती थपिएको बताइन्छ ।गतिलो हिन्दी सिनेमा नभएकाले पनि ‘बितेका पल’ र ‘छ एकान छ’का निर्मातालाई ठूलो राहत मिलेको थियो । तर चर्चित हलिउड हिरोको सिनेमाले नेपाली निर्मातालाई केही अप्ठ्यारोमा पार्न सक्छ । तर बलिउडको जस्तो क्रेज हलिउड सिनेमाको नेपालमा नभएकाले राम्रा नेपाली सिनेमाका मेकरहरु डराउन नपर्ने केहीको तर्क छ ।
.png)
