‘त्यो फिल्मको कुरा नै नगर्नुहोस्, म कुनै पनि दिन त्यो सिनेमाको नाम नै लिन चाहन्न’, ‘मानव’ हिरोइनले अनलाइनखबरको पहिलो प्रश्नमै यस्तो प्रतिक्रिया जनाइन् । पहिलो सिनेमामा नै नराम्रो मान्छेको फेला परेको उनको भोगाई छ । तर सिनेमामा को राम्रा र को नराम्रा थिए भन्ने स्पष्ट उनले पार्न चाहिनन् । तर उनको भनाइले उनी प्रति नकारात्मक व्यवहार गर्ने व्यक्तिहरुको पहिचान सजिलै गर्न सकिन्थ्यो । डेब्यू सिनेमाका केही मानिसहरुको व्यवहारले गर्दा नै सिनेमा नगरी दिक्क लागेको बताउँदै उनले भनिन्, ‘लागेको थियो म गलत ठाउँमा आएछु ।’ उनलाई यो सिनेमा गर्ने वित्तिकै चलचित्र क्षेत्रमा सबै नराम्रा मानिस मात्र हुन्छन् भन्ने लागेको थियो । तर पछि अन्य सिनेमाले उनको सोचाई बदलिदियो, काम प्रति अझ लगाव बढाइदियो ।
नेपाली सिनेमामा ज्योतिषलाई हात हेराएर विभिन्न क्रियाकलाप गर्ने कोटीमा उनी पनि पर्छिन् । यसैले दिपशीखाबाट उनको नाम यतिबेला शीखा मात्र भएको छ । उनको जीवनमा सिनेमाको गती २ प्रकारले चलेको छ । उनको सोचाइमा यो गती सहि छ तर अरुको हेराइमा सुस्त । बी.एस.डब्लू तेश्रो बर्षमा अध्ययन गरिरहेकी शीखाले पढाइका कारण सिनेमा गती सुस्त भएको बताइन् । उनलाई आफू राम्री छु भन्ने पटक्कै लाग्दैन । तर सेक्सी र राम्रीमा भने राम्री नै प्यारो उनको लागि । ‘सधै राम्रो सिनेमा नै गरौ भन्ने लाग्छ, समाजलाई नपच्ने सिनेमा सकेसम्म गर्दिन’ सिनेमा भोगाई पश्चात गराइको प्रश्नमा उनले भनिन् ।d मान्छे उनी सुन्दर छिन् । तर पनि दर्शकमाँझ सोचेजस्तो लोकप्रियता उनमा छैन । कारण खोतल्दै उनले मिडियासँग घुलमिल हुन नसक्नु बताइन् । ५ फिट ७ ईन्च उचाई भएकाले पनि यही बर्षको कात्तिक १२ गतेबाट उनी २० बर्ष लागिन् भन्दा पत्याउन केही गाह्रो नै पर्छ । आजसम्म प्रेम रोगले शीखा शाहीलाई छोएकै छैन । सायद एक्लै हुनुको मज्जा छुट्टै हुन्छ भन्ने उनको वुझाई होला । ‘मन पराउने हजार भेटिन्छन्’ भनेजस्तै छ उनको जीवनमा । तर माया गर्ने, आफूलाई वुझ्ने केटा सायदै उनको जीवनमा आएनन् । उनले संझनै नचाहने चलचित्र ‘मानव’ पश्चात ‘रंग’, ‘भिजिलान्ते’, ‘ईच्छा’, ‘सेफ ल्यान्डिङ’मा अभिनय गरिसकेकी छिन् । सिनेमा नगरीमा नायिकाहरु प्रति सकारात्मक व्यवाहर गरिदैन भन्ने कुरा धेरै सुनिन्छ । तर पहिलो सिनेमाबाट नै नकारात्मक व्यवहारको शिकार भएकी शीखा शाही पढाई पुरा गर्दै यही क्षेत्रमा सक्रिय रुपमा लाग्ने सोचाइमा छिन् ।
.png)
